Sharcigu ma qabto Nuur Cade

Safiirkii Xatooyada sameeyey oo kiraystay  Safaarada Soomaaliya , waxa loogu abaal guday  Amaan halkii ay ka ahayd in shaqada laga cayriyo, maxkamadna lagu soo taago Xatooto xoolo dadweyne.
 ganacsade

Safiirka  Soomaaliya  u fadhiya dalka   Talyaaniga iyo Midowga Yurub Nuur Xasan Xuseen (Nuur Cadde) marna noqday R/wasaaraha Soomaaliya oo  kiraystay dhismihii safaarada Soomaaliya ee Dalka Taliyaaniga, ayaa wasiirka arimaha dibada Soomaaliya Fawsiya Xaaji Adan ku amaantay  falkan Mooryaanimada ah oo ka hor imanaya Sharci kasta oo aduunka u yaal ee uu sameeyey Nuur Cade.

Heshiiskan dawlada Soomaaliyeed waxba kama ogayn, lacagtan kiraduna waxay toos ugu dhacaysaa Jeebka Nuur cade.

Madaxda aan ka midka ahayn Beesha madaxweyne Culusoow, iyaga shaqada waa laga cayriyaa waxaana loo dhaadhiciyaa xabsi, sida ku dhacday  Taliyihii hore ee ciidamadda Asluubta Somaliya Sareeye Guuto Maxamad Ismaaciil (Indho-buur) oo ka soo jeeday Beesha Samaroon,  ayaa Maxkamadu sheegtay in lagu helay inuu Xabsiga ka siidaayey 14 Maxbuus oo Al-shabaab ahaa.Maxkamadda ciidamada Qalabka sida ee  Somaliya ayaa Taliyihii ciidamadda Asluubta ee Somaliya Maxamad Ismaaciil (Indho-buur) ku ridday xukun  xabsi daa’in ah.

 Nuur Cadde , 18 Sano ayuu  ka kireeyay dhismaha Safaarada Soomaalidu ku leedahay dalka talyaaniga  shirkad la yiraahdo  Italian Tourist service oo laga leeyahay dalka Taliyaaniga.
Nuur Cade iyo Shirkadu, waxay  heshiis ku galeen in 9-ka sano ee hore ay bixiso shirkadu $1080, 000 (melyaniyo sideetan kun oo doolar) iyada oo 9-ka sano oo danbana bixinaya $1,620,000 (melayan iyo lix boqol iyo labaatan kun oo doolar).

Shukri Said oo ah Saxafiyada ka shaqaysaa Wargeyska ugu balaaran dalka Taliyaaniga ee la yiraahdo La republica sidoo kale wax ku qorta Wargeyska kale ee lagu magacaabo Unita ayaa dhankeeda u xaqiijisay  in Nuur Xasan Xuseen (Nuur Cadde), Safiirka Soomaaliya ee Dalka Talyaaniga iyo Midowga Yurub uu Dhismaha Safaarada kireeyay.
Allsanaag.com, This email address is being protected from spambots. You need JavaScript enabled to view it.

Additional information