Dawladii Soomaaliya oo noqotay Mashruuc lacageed

Dawladii Soomaaliya oo noqotay Mashruuc ay  Damuljad ku dawarsi Tagaan.calanka soomaaliyeed

Calanka Soomaaliya waxa ka qiimo badan Sawir lala galo Cumar Bashiir

mar labaad

Hal mar khalad waa la galaa ee Culusoow waa diidan yahay Calanka Soomaaliyeed. 

Lix Wasiir oo ka mid ah Tobonka Wasiir ee Dawlada Federaalka Soomaaliya ka kooban tahay  waxay ku maqan yihiin dalka dibadiisa, waxayna wareegayaan Qaaradaha  Afrika, Asiya iyo  Yurub.

Madaxweynaha Soomaaliya Xasan Culusoow iyo wasiirka ay beesha ka soo wada jeedaan C/kariim Xuseen Guuleed oo ku magcaaban arimaha gudaha iyo amniga oo ay hoos yimadaan  ciidamada Booliiska waxay ku wada  sugan yihiin dalka Suudaan.

Wasiirka arimaha gudaha oo ka mid ah wafdiga Madaxweynaha  oo la hadlay mid ka mid ah warbaahinta Muqdisho,  ayaa sheegay in dhigiisa dalka Suudaan ay ka wada hadleen sidii ay tababaro u siin lahaayeen saraakiisha booliska, ciidamada, waaxda hoggaanka socdaalka iyo jinsiyadaha iyo sidii ay dowladda Suudaan gacan weyn uga geysan lahaayeen tababar loo fidinayo ciidamo gaar ah kuwaas oo loogu talagalay in ay si gaar ah u sugaan amaanka magaalada Muqdisho iyo Galmudug.

Wasiirka arimaha gudaha oo u jooga dalka dibadiisa in uu la saxiixdo  heshiisyo amni iyo mid  ciidan dal kale , waxay ku tusaysaa aqoon yarida ka jirta dawladsa Culusoow iyo sida HAG isu hubaynayaan oo ay u doonayaan  in Jubooyinka ay  xoog ku qabsadaan

rukuuc

Damuljadii waxay ku caan baxeen salaanta Rukuucda marka ay la kulmayaan Madaxda Qaarada Yurub iyo America

Wasiirul dawlaha madaxtooyada Faarx Sakiin, isaguna waxa uu ku sugan yahay Dalka Sacuudi Careebiya, waxaana ku weheliya socdaalkiisa Saraakiil ka mid ah Dawlada Culusoow oo  u badan Ururka HAG, waxayna halkaa u joogaan sidii ay lacag ugu heli lahaayeen maleeshiyaad Beeleed ku sugan magaalada Muqdisho iyo gobolada dhexe.

Wasiiradda  arimaha dibada Fowsiya Xaaji, iyaduna waxay ku maqan tahay dalka Ingiriiska, waxay warsaxaafadeed ku sheegtay "in booqashadeeda London ay gogol xaar u tahay booqasho la filayo In madaxweynaha Jamhuuriyada Federaalka mudane Xasan Culusoow Iyo wafdi uu hogaaminayo ay bisha May ku tegidoonaan dalkaasi.

Wasiirada  Tacliinta, Caafimaadka, dhalinyarada, cayaaraha iyo Dhaqanka Maryam Qaasim, iyaduna waxa ku maqan tahay dalka dibadiisa, waxaana Xilkaas faraha badan oo ayna qaadi karin sii   wada Agaasimayaal ka soo wada jeeda Beesha Madaxweynaha.

 

Allsanaag.com, This email address is being protected from spambots. You need JavaScript enabled to view it.

 

Additional information